Pantun Minang Muda Mudi

Pantun Minang Muda Mudi

Dek indak mangko co iko,
Nyampang maota di nan rami.
Nan bansaik tingga mangango,
Nan kayo kecek ba rapi api.

Dek iondak mangko co iko,
Sulik mancari kato nan bana.
Paham di ukua jo harato,
Walaupun budi lah tajua.

Dek indak mangko co iko,
Kok lai mungkin bapaliang.
Dek urang bungkuak luruih juo,
Dek awak lah bulek tampak basandiang.

Dek indak mangko co iko,
Kok lai ndak den biakan.
Urang babuek sakahandaknyo,
Awaklah jadi batu tapakan.

Tanamlah bungo di tapi halaman,
Lalu urang di ambiak jangan.
Denai manunggu ala mandamam,
Adiak nan indak kelihatan.

Karambia satandan labek,
Di tanak dalam kuali.
Sajak pagi badan manggaretek,
Dek dari tadi alun basuo nasi.

Rami lah urang di balimbiang,
Rami nan sadang hari sanjo.
Dulu bajanji jalan sa iriang,
Kini bapadia uda marando.

Sabana canggih nak gadih minang,
Pusek kalua rambuik nyo pirang.
Sarawa sampik baju manarawang,
Turun naiak jakun nak bujang mamandang.

Di sabuik rami piaman,
Raminyo di hoyang tabuik.
Di sangko lai pareman,
eeeeeh.....kironyo bencong bajangguik.

Alah bacubo bamain cinto,
Cinto di jalin iyo lah lamo.
Sa iriang sa jalan kami baduo,
Kini nyo kawin jo urang pulo.

Den sangko gariang ikan nyo jinak,
Buayo gadang malah kironyo.
Muluik manih muko rancak,
Tapi adiak mato duitan pulo.

Si tuan aru makan gulo,
Gulo di bali agak sakilo.
Tahun baru katibo pulo,
Sedangkan awak masih jomblo.

Dek sero makan jo cancang,
Ndak sadar rumah kanai maliang.
Mangalah duduak di ateh pancang,
Beko sarupo jo ayam guliang.

Sisiti makan cimangko,
Nyo makan di baliak oto.
Sadiah bana nasib tahun baru ko,
Mancaliak isi dompet manitiak ayia mato.

Tarimokasih dunsanak kasadonyo ala singgah di Blog kami

Semoga dunsanak terhibur...